சென்னை பல்கலையில் 'நெட்' தேர்வுபயிற்சி

Add This Number In Your Whatsapp Groups - 9786053272
📲👉 👉 Join Our KalviNews Telegram Group - Click Here



பேராசிரியர்களுக்கான, 'நெட்' தகுதித் தேர்வுக்கு, சென்னை பல்கலையில், இலவச பயிற்சி தரப்படுகிறது.கல்லுாரிகளில்,உதவி பேராசிரியர், இணை பேராசிரியர் உள்ளிட்ட பதவிகளில் சேர, முதுநிலை பட்டப்படிப்பு முடித்தவர்கள், 'நெட் அல்லது செட்' என்ற தகுதி தேர்வில் தேர்ச்சி பெற்றிருக்க வேண்டும்.

'நெட்'தேர்வு மத்திய அரசின் சார்பிலும், 'செட்' தேர்வு, மாநில அரசின் சார்பிலும் நடத்தப்படுகிறது.இந்த ஆண்டுக்கான, 'நெட்' தேர்வில் பங்கேற்க உள்ளவர்களுக்கு, சென்னை பல்கலையின் சார்பில், இலவச பயிற்சி வகுப்புகள் அறிவிக்கப்பட்டுள்ளன. இதில், முன்னேறிய வகுப்பினர் தவிர, மற்ற பிரிவினர் பங்கேற்கலாம்.

சென்னை பல்கலையின், மாணவர் ஆலோசனை மையத்தின் சார்பில், பயிற்சி வகுப்புகள் நடத்தப்பட உள்ளன. ஜூன், 7 முதல், 16ம் தேதி வரை, பயிற்சி நடக்கும். இதற்கான விண்ணப்ப வினியோகம், வரும், 20ம் தேதி முதல் துவங்க உள்ளது. பூர்த்தி செய்த விண்ணப்பங்களை, வரும், 30ம் தேதி மாலை, 4:00 மணிக்குள் சமர்ப்பிக்க வேண்டும்.விபரங்களை, சென்னை பல்கலையின், சேப்பாக்கம் வளாகத்தில் உள்ள, மாணவர் ஆலோசனை மையத்தில் தெரிந்து கொள்ளலாம் என, பல்கலை நிர்வாகம் அறிவித்துள்ளது.
📲👉 👉 Join Our KalviNews Telegram Group - Click Here