தேர்தல் பணி - கவிதை

தேர்தல் பணி - கவிதை

 

தேர்தல் பணி - கவிதையாய்

மனதுக்குள் தேர்தல்
ஒத்திகை
இப்போதே
அடிக்கடி
நடக்கிறது..

மசங்கலாக
ஒரு பூத்
நினைவில்
வந்து போகிறது..


பாழடைந்து
போன
கழிவறை ஒன்று
கண் முன்னே
வந்து பயமுறுத்துகிறது..


தண்ணீர் வசதி
நினைத்தால்
கண்ணீர்
வருகிறது..


மண்டல அலுவலர்
மண்டைக்குள்
மங்கலாக
யாரோ ஒருவர்
சட்டென
நுழைகிறார்..

உடன்
பணியாற்றுபவர்
பற்றி
முன்பே தெரிந்துவிட்டதால்
சற்று நிம்மதி..


Mock pollல்
ஒரு பதற்றம்.
Seal வைப்பதில்
சின்ன சிக்கல்..
ஏஜென்டுகள் முன்னே
அந்த வியர்த்த முகத்தோடு
ஒரு முறை கண்ணாடியை
இப்போதே
பார்க்கிறேன்..


Bvc
Crc
எல்லாம்
அன்று
கடவுளாய்
கைகொடுக்கும்..


17Aம்
Total buttonம்
ஒன்றாய் வர
குலதெய்வத்தை
கும்பிடுகிறேன்..


முந்நாள்
பூத்தில்
நன்கு
கவனிப்பதும்
முடிந்தபிறகு
தண்ணீர் கூட
இல்லாமல் தவிப்பதும்
தேர்தல் நடைமுறைகளில்
எழுதப்படாத விதிகளில்
ஒன்றாகும்..


வரிசையில்
வாக்காளர்கள்
நகர்வது
ஒரு நிழலாய்
உள்ளத்துக்குள்
ஓடுகிறது..

வாக்குப்பதிவு
முடிவில்
ஒரு பரபரப்பு..
சீல் இடுவதில்
ஏஜென்டுகளின்
சலசலப்பு..
காதில் கேட்கிறது..


Zonal வரும் வரை
வாசலில் கதவாய்
காத்திருந்து
கன்னிப்பெண்
போல
பாதுகாத்த
BU ,CUஐ
அவர் வாங்கிக்கொண்டு...
கோணிப்பையில்
வாரி மற்றதை
போட்டுக் கொள்ளும்
காட்சியும்
நினைவில்
அரங்கேறுகிறது..


PO
17C
Metal seal
வாங்கிக் கொண்டு
பணத்தை
பங்கிட
எண்ணுவதும்
கண் முன்னே
விரிகிறது..


Reserve ல்
வந்துவிட்டால்
இவை எதுவும்
தேவையில்லை என்று
செய்யும்
ஒத்திகையை
கொஞ்சம்
ஒத்தி வைப்பதும்
அடிக்கடி
நிகழ்கிறது..


நன்றி
திரு. ந.வீரா
திமிரி.

# இந்த பயனுள்ள தகவலை அனைவருக்கும் பகிருங்கள் - யாரேனும் ஒருவருக்காவது பயன்படும்...