Title of the document

ஒரே வேலை
இரு வேறு ஊதியம்
வழங்கும் தமிழக அரசே

2009 க்குப் பின்
இடைநிலை ஆசிரியரின் பணியில்
என்ன இழிநிலை கண்டாய் அரசே
ஏன் கொண்டாய் பிழையை
எம் ஊதியத்தில்

எம் ஊதிய நிர்ணயம்
பிழையென்று
புரிந்த பின்பும்
உன் செங்கோலைத்
தூர எறிகிறாய்
எங்களை ஹார்மோன்களின்
ஆளுமையில்
எகிற வைக்கிறாய்

ஒரு நபர் குழுயென்கிறாய்
மூன்று நபர் குழுயென்கிறாய்
நம்பிச் சென்றால்
நன்றாய் நகர்த்துகிறாய்
குழுவின் ஆயுளை
பின் நீயே
அக்குழுவிற்காய் கூர் தீட்டுகிறாய்
ஒரு கொலை ஆயுதம்

எங்கள் நம்பிக்கையின்
மேல்
எத்தனை முறை தான்
அடுக்குவாய்
உன் ஏமாற்றுக்
கற்களை

எப்படிக் கலைவோம்
எதை நம்பி பிரிவோம்
இனி அரசாணையில்லாது
அரையடிக் கூட அகலோம்

என் ஊதியம்
அதில் ஏன் படுகிறது
உன் கை

ஏமாற்றும் வித்தைகளை
ஏதாவதொரு மூலையில் வை அரசே
உன் மூளையில்
இனியாவது
எங்களுக்கொரு நியாயம் செய்

இறுதி வரை இணைந்திருப்போம்
இரவென்றும் பகலென்றும்
பாரோம்
அரசாணை ஒன்றே
எங்கள் இலக்கு
அதுவே உனக்கெதிராய்
எங்கள் முழக்கம்

     - மகேஷ் சிபி

# இந்த பயனுள்ள தகவலை அனைவருக்கும் பகிருங்கள் - யாரேனும் ஒருவருக்காவது பயன்படும்...

Post a Comment

Previous Post Next Post